Duke folur në kanalin e tij në YouTube, eksperti i transferimeve, Fabrizio Romano, ka folur mbi situatën e anësorit të Barcelonës, Raphinha, si dhe objektivin kryesor të tyre, Lionel Messin.

Kryesuesit e La Ligës po punojnë për të rikthyer ish-kapitenin e tyre në klub dy vjet pasi ai u detyrua të largohej për shkak të rrethanave financiare.

Duke qenë se kontrata e Messit me PSG-në skadon më 30 qershor, Barcelona mund ta rikthej atë falas.

Megjithatë, që kjo të ndodhë, duhet të bëjë “sakrifica” t’iu përmbajtur rregullave të Fair Play Financiar të La Ligës.

Kjo ka çuar në pikëpyetje mbi të ardhmen e yjeve aktualë në klub, përfshirë Raphinha-n.

Sipas Romanos, nëse Blaugranët nuk janë në gjendje të nënshkruajnë me Messin gjatë verës, ata mund të vendosin kundër shitjes së Raphinhas.

Siç u përsërit më herët, klubi nuk dëshiron të shesë Raphinha-n, por është i detyruar në situatën për shkak të çështjeve të FFP-së. Besohet se menaxheri Xavi Hernandez është shumë i kënaqur me 26-vjeçarin dhe nëse operacioni i kthimit të Messit dështoi, braziliani mund të mos shitet fare.

Sa i përket Messit, Romano shton se argjentinasi nuk do t’i mbyllë dyert në një rikthim në Barcelonë deri në minutën e fundit dhe shpreson të përfundojë lëvizjen edhe nëse ka vetëm një shans 1%./Arbresh.info/